Հարգելի գործընկերներ,

հաշվի առնելով COVID19-ի վերաբերյալ ապացուցողական տեղեկատվության պակասը, բազմաթիվ հետազոտությունների դեռևս շարունակվող կարգավիճակը՝ մեր Միությունը ներկայումս նպատակահարմար չի գտնում տվյալ խնդրի վերաբերյալ ձևակերպել որևէ նորմատիվային փաստաթուղթ՝ ուղեցույց կամ գործելակարգ:

Իրավիճակը փոփոխվում է շատ մեծ արագությամբ և ողջ աշխարհի առաջատար առողջապահական համակարգերը դեռ կուտակում են սեփական փորձը հաճախ փորձարարական մեթոդներով և առանց պաշտոնական հաստատումների, ինչը ժամանակի թելադրանքն է: Ուստի յուրաքանչյուր կենտրոն մշակում է իր սեփական գործելակարգերը կամ ընթացակարգերը, որոնք հնարավոր չէ ուղղակիորեն ներդնել մեր իրականության մեջ: Մինչ այժմ գոյություն ունեցող միակ ապացուցողական հիմք ունեցող ուղեցույցն արդեն իսկ ներկայացվել է մեր Միության խորհրդի անդամ, Էրեբունի բժշկական կենտրոնի վերակենդանցման բաժանմունքի գիտական ղեկավար, ԵՊԲՀ հետդիպլոմային կրթության անէսթեզիոլոգիայի և ինտենսիվ թերապիայի ամբիոնի վարիչ Հ. Մանգոյանի կողմից հեռավար դասախոսության ձևաչափով (տես հղումը): Խորհուրդ ենք տալիս առաջնորդվել վերջինում ներկայացված դրույթներով մինչ նոր, ավելի որակյալ տեղեկատվության ձևավորումը: Վստահ ենք, որ այս ձևաչափն արդարացված է և գիտական, և կազմակերպչական տեսանկյուններից:

Մենք կշարունակենք նմանատիպ հեռավար դասախոսությունները ինչպես նաև առաջատար կենտրոնների որոշ փաստաթղթերի տեղայնացված տարբերակների տեղադրումը մեր կայքում և Facebook-յան էջում: Հետևեք մեր էջերին և կստանաք միայն հավաստի և բարձրորակ տեղեկատվություն:

Մաղթում ենք առողջություն բոլորին:

 


ՈՒՂԵՑՈՒՅՑՆԵՐ և ԳՈՐԾԵԼԱԿԱՐԳԵՐ

Անհատական պաշտպանության միջոցների (ԱՊՄ) կիրառման ուղեցույց բուժանձնակազմի, այցելուների և պացիենտների համար

Անհատական պաշտպանության միջոցների (ԱՊՄ) կիրառման ուղեցույց բժշկական միջամտությունների ժամանակ

Աշխատանքի գնալու կանոններ

 


ԿԱՐԵՎՈՐ ՀՂՈՒՄՆԵՐ

Առողջության ազգային ինստիտուտի (ԱՄՆ) COVID19 բուժման ուղեցույց (անգլերեն) National Institutes of Health (NIH) - Turning Discovery into Health

 

Անէսթեզիոլոգիայի եվրոպական միության COVID19 էջ (անգլերեն)