|
Տեղային
անէսթետիկներով
համակարգային
թունավորման անհետաձգելի
օգնության գործելակարգ |
Գոհունակությամբ
կարելի է նշել,
վերջին տարիներին
զգալիորեն աճել
է հանրապետությունում
իրականացվող ռեգիոնալ
անզգայացումների
թիվը, ինչի հետ
կապված բնականաբար
կարող է աճել նաև
անզգայացման այս
տեսակների բարդությունների
հաճախականությունը,
որոնցից թերևս,
ամենալուրջը տեղային
անէսթետիկներով
համակարգային
թունավորումն
է (անգլերեն` Local
anesthetic systemic toxicity - LAST): Վերջինս
ռեգիոնալ անզգայացման
չնայած հազվադեպ
հանդիպող, սակայն
կյանքին անմիջական
վտանգ սպառնացող
բարդություն է,
որի պատճառով անզգայացման
այս տեսակներով
զբաղվող մասնագետները
պետք է քաջ ծանոթ
լինեն այս բարդության
կլինիկական պատկերին,
բուժման ժամանակակից
եղանակներին և
հատկապես, պետք
է միշտ պատրաստ
լինեն առավելագույնս
արագ արձագանքելու
նրա առաջացման
դեպքում: Այս առումով
մասնագետների
գործը զգալիորեն
կարող է հեշտացնել
տեղային անէսթետիկներով
համակարգային
թունավորման անհետաձգելի
օգնության գործելակարգի
և համապատասխան
միջոցների հավաքածուի
մշտական առկայությունը
և անմիջական հասանելիությունը
այն միջավայրերում,
որտեղ կիրառվում
են տեղային անէսթետիկների
պոտենցիալ թունավոր
դեղաչափեր: Այս
նպատակով մեր միության
մասնագետների
կողմից մշակվեց
նման գործելակարգ
ներկայումս առկա
կլինիկական փորձի,
գիտական ժամանակակից
տվյալների և արդեն
առկա նմանատիպ
գործելակարգերի
և կլինիկական ուղեցույցների
հիման վրա, որն
առավելագույնս
հարմարեցված է
մեր հանրապետությունում
գործնական կիրառման
համար:
Տեղային
անէսթետիկներով
համակարգային
թունավորման մեխանիզմների,
կլինիկական պատկերի
և կանխարգելման
մասին մանրամասն
տվյալներ կարելի
է ձեռք բերել համապատասխան
դասագրքերում,
կայքերում և այլ
ուսումնական աղբյուրներում,
օրինակ՝ http://www.lipidrescue.org
Մեր
մասնագետներին
ցանկանալով առանց
բարդությունների
աշխատանք՝ միևնույն
ժամանակ հուսով
ենք, որ գործելակարգը
խիստ օգտակար կլինի
բարդությունների
առաջացման դեպքում:
Անհետաձգելի օգնության
գործելակարգը
ներկայացված է
ստորև:
Ներբեռնել
գործելակարգի
բարձր որակով տարբերակը
pdf ձևաչափով:
ՈՒՇԱԴՐՈՒԹՅՈՒՆ
Ռեգիոնալ
անզգայացումով
զբաղվող բոլոր
մասնագետներին
հորդորում ենք
ունենալ տեղային անէսթետիկներով
համակարգային
թունավորման անհետաձգելի
օգնության մշտապես
և անմիջականորեն
հասանելի հավաքածու:
Որպես օրինակ ստորև
ներկայացված է
Էրեբունի բժշկական
կենտրոնում կիրառվող
հավաքածուն և նրա
պարունակությունը:
|
|
|
|
|
|