Image result for justice

ՀԱՄԱԳՈՐԾԱԿՑՈՒԹՅՈՒՆ ԻՐԱՎԱԲԱՆՆԵՐԻ ՀԵՏ


2017 թ. նոյեմբերի 10-ին միության խորհրդի նիստի շրջանակներում, միության իրավական հարցերի հանձնաժողովի նախագահ, միության խորհրդի անդամ Լ. Մ. Գաբրիելյանի նախաձեռնությամբ տեղի ունեցավ հանդիպում Ռուս-հայկական (Սլավոնական) համալսարանի պետության և իրավունքի տեսության ու պատմության ամբիոնի <Բժշկական իրավունք> խմբի իրավաբանների հետ: Հանդիպման նպատակն էր համագործակցություն հաստատել իրավաբանների հետ՝ մեր հանրապետության անէսթեզիոլոգների և ինտենսիվ թերապևտների իրավական գիտելիքների և իրավական պաշտպանվածության մակարդակը բարձրացնելու նպատակով:

Հանդիպման ընթացքում կողմերը քննարկեցին հանրապետության անէսթեզիոլոգներին և ինտենսիվ թերապևտներին հուզող իրավական ոլորտի տարբեր հարցեր, <Բժշկական իրավունք> թիմն իրականացրեց անէսթեզիոլոգ-ինտենսիվ թերապևտների իրավական բնույթի կարիքների հաշվառում, որի նպատակը հետագայում ուսումնական բնույթի տարբեր ձևաչափի միջոցառումների, մասնավորապես դասընթացների և սեմինարների կազմակերպումն է։ Քննարկվեցին այնպիսի հարցեր, ինչպիսիք են՝ բժշկական սխալի էությունը, բժշկի, բժշկական հաստատության, բուժաշխատողի գույքային պատասխանատվությունը, բժշկի կամ բուժաշխատողի քրեական պատասխանատվությունը, բժիշկ-հիվանդ հարաբերությունները, հիվանդի համաձայնությունը՝ բժշկական միջամտություն իրականացնելու համար, պատասխանատու բժշկի դերակատարությունը, բժշկական ոլորտի մասնագետների իրավունքների և պարտականությունների ծավալը, աշխատանքային հարաբերություններին, բժշկական, առողջապահական ոլորտում մտավոր սեփականությանը վերաբերող հարցեր։ Որոշվեց սկիզբ դնել հետագա համագործակցության դասընթացների և սեմինարների ձևաչափով, որոնց ընթացքում կքննարկվեն հետևյալ ոլորտների խնդիրներ. 1) սահմանադրաիրավական, 2) քաղաքացիաիրավական, 3) քրեաիրավական, 4) մտավոր սեփականության: Քննարկվեց նաև միության անդամներին օպերատիվ խորհրդատվության ապահովման հարցը: Որոշվեց մոտ ապագայում համագործակցության պայմանագիր կնքել երկու կազմակերպությունների միջև:

Վստահորեն կարելի է հույս հայտնել, որ իրավաբանների հետ սերտ համագործակցությունն էապես կնպաստի հանրապետության անէսթեզիոլոգների և ինտենսիվ թերապևտների իրավական գիտելիքների և իրավական պաշտպանվածության մակարդակի բարձրացմանը: Համագործակցության վերաբերյալ նոր տեղեկություններ կտրամադրվեն շուտով:


IMG-1787 (640x480)IMG-1788 (640x480)IMG-1789 (640x480)IMG-1790 (640x480)IMG-1791 (640x480)


Image result for home icon

Գլխավոր էջ

000webhost logo