ԱնԷսթեզիոլոգների
և ինտենսիվ թերապևտների
հայկական միություն
Նպատակը
Անէսթեզիոլոգների
և ինտենսիվ թերապևտների
հայկական միության
նպատակն է զարգացնել
անէսթեզիոլոգիան,
ինտենսիվ թերապիան
և ցավի բուժումը
Հայաստանի Հանրապետությունում
կրթության, գիտության
և մասնագիտական
զարգացման միջոցով՝
նպաստելով հանրապետության
բնակչությանն
այս ասպարեզում
բարձր մակարդակի
բժշկական օգնության
ապահովմանը։
Միության գործունեության,
կառուցվածքի, ղեկավարման
և անդամակցության
վերաբերյալ ավելի
մանրամասն տվյալներ
կարելի է գտնել
միության կանոնադրության
և այս կայքի համապատասխան
էջերում:
Համառոտ
պատմությունը
Հայաստանում
դեռևս խորհրդային
ժամանակաշրջանում
գործում էր անէսթեզիոլոգների
և ռեանիմատոլոգների
միություն, որը
սակայն գործնականում
դադարեց գործելուց
խորհրդային պետության
անկումից հետ։
Անկախության առաջին
տարիները բնորոշվեցին
գիտության և արվեստի
բնագավառում խորը
ընկճումով, որը
բացատրվեց անցումային
ժամանակաշրջանում
առկա տնտեսական
խնդիրներով։ Նոր
միությունը հիմնադրվեց
1996 թ. նրա առաջին նախագահ՝
պրոֆեսոր Գ. Գ. Մխոյանի
անմիջական նախաձեռնությամբ
և ակտիվ ջանքերով,
ով նաև Երևանի
Մ. Հերացու անվան
պետական բժշկական
համալսարանի անէսթեզիոլոգիայի
և ինտենսիվ թերապիայի
ամբիոնի վարիչն
էր և ՀՀ առողջապահության
նախարարության
գլխավոր անէսթեզիոլոգ-ռեանիմատոլոգը։
Այս փաստը զգալիորեն
հեշտացնում էր
նշված հիմնարկությունների
հետ համագործակցությունը՝
էապես նպաստելով
մեր մասնագիտության
զարգացմանը հանրապետությունում։
Պրոֆ. Գ. Գ. Մխոյանը
հանդիսացավ միության
նախագահը մինչև
իր անժամանակ վախճանը
2009 թ. փետրվարի 16-ին։
Հիշատակի
խոսք
2009-2017 թթ. միության
նախագահն էր պրոֆեսոր
Դ. Լ. Մելքոնյանը,
որին իր նախագահության
ավարտից հետո շնորհվեց
միության պատվավոր
անդամի տիտղոսը:
2017 թ. հունվարին միության
նոր խորհրդի հետ
միասին միության
նախագահ ընտրվեց
Ա.
Վարոսյանը:
Անէսթեզիոլոգների
և ինտենսիվ թերապևտների
հայկական միությունը
Անէսթեզիոլոգիայի
և ինտենսիվ թերապիայի
եվրոպական միության
ազգային անդամ
է: |