Իրավական հարցերն անէսթեզիոլոգիայում և ինտենսիվ թերապիայում

ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆ				ԱՆԷՍԹԵԶԻՈԼՈԳՆԵՐԻ և ԻՆՏԵՆՍԻՎ ԹԵՐԱՊԵՎՏՆԵՐԻ ՀԱՅԿԱԿԱՆ ՄԻՈՒԹՅՈՒՆ		ՌՈՒՍ-ՀԱՅԿԱԿԱՆ (ՍԼԱՎՈՆԱԿԱՆ) ՀԱՄԱԼՍԱՐԱՆԻ ՊԵՏՈՒԹՅԱՆ և ԻՐԱՎՈՒՆՔԻ ՏԵՍՈՒԹՅԱՆ ՈՒ ՊԱՏՄՈՒԹՅԱՆ ԱՄԲԻՈՆ, ԱՌՈՂՋԱՊԱՀԱԿԱՆ ԻՐԱՎՈՒՆՔ ԽՈՒՄԲ

				ԴԱՍԸՆԹԱՑ ԻՐԱՎԱԿԱՆ ՀԱՐՑԵՐՆ ԱՆԷՍԹԵԶԻՈԼՈԳԻԱՅՈՒՄ և ԻՆՏԵՆՍԻՎ ԹԵՐԱՊԻԱՅՈՒՄ Մաս 1. Սահմանադրական և քաղաքացիական իրավունք Երևան, 2018 թ. մայիսի 4-ից հունիսի 15
	ԴԱՍԸՆԹԱՑԻ ՄԱՍԻՆ	ԾՐԱԳԻՐ	ՄԱՍՆԱԿՑՈՒԹՅԱՆ ԿԱՐԳԸ և ԳՐԱՆՑՈՒՄ		ԴԱՍԱԽՈՍՆԵՐ		ԴԱՍԱԽՈՍՈՒԹՅՈՒՆՆԵՐ	ՊԱՏԿԵՐԱՍՐԱՀ

Դասընթացը կազմակերպվել է միության իրավական հանձնաժողովի անմիջական ջանքերով միության և Հայ-Ռուսական համալսարանի իրավագիտության ֆակուլտետի պետության և իրավունքի տեսության ու պատմության ամբիոնի <<Առողջապահական իրավունք>> խմբի հետ ակտիվ համագործակցության արդյունքում: Դասընթացն իրականացնող դասախոսները իրավագիտության և հատկապես առողջապահական իրավունքի ոլորտում գիտական, կրթական և դասախոսելու լուրջ փորձ ունեցող մասնագետներ են: Դասընթացի ծրագիրը կազմվել է ոչ միայն այն իրականացնող դասախոսների առաջարկությունների, այլ նաև հանրապետության անէսթեզիոլոգների և ինտենսիվ թերապևտների համար հատուկ ուշադրություն և հետաքրքրություն ներկայացնող խնդիրների հիման վրա, որոնք պարզվել էին դասախոսական խմբի հետ նախապես տեղի ունեցած հանդիպումների հիման վրա: Դասընթացի ծրագիրն ընդգրկում է սահմանադրական, քաղաքացիական, քրեական իրավունքների ոլորտները, դասախոսությունների ընթացքում կքննարկվեն առողջապահական իրավունքի ոլորտին առնչվող ինչպես ընդհանուր, այնպես էլ մեր մասնագիտությանը յուրահատուկ հարցեր։ Մանրամասները՝ ծրագրում:

Հաշվի առնելով դասընթացի ծավալը՝ այն բաժանվել է երկու մասի, առաջին 6 դասախոսությունները նվիրված կլինեն սահմանադրական և քաղաքացիական իրավունքների ոլորտին, իսկ երկրորդ մասը 6 դասախոսությունների տեսքով կընդգրկի քրեական իրավունքին վերաբերվող հարցեր:

Դասընթացի պարապմունքները տեղի կունենան Վարդանանց նորարարական բժշկության կենտրոնի դահլիճում:

Հուսով ենք, որ տվյալ միջոցառումն առողջապահական իրավունքի ոլորտին վերաբերվող հարցերի նպատակային ընդգրկումով կնպաստի մասնակիցների իրավական գիտելիքների մակարդակի բարձրացմանը, ինչի շնորհիվ իրենց մասնագիտական գործունեությունը կդառնա ավելի արդյունավետ՝ բարելավելով բժիշկ-հիվանդ փոխհարաբերությունները և բարձրացնելով բնակչությանը մատուցվող բժշկական օգնության որակը:

Image result for attention ՈՒՇԱԴՐՈՒԹՅՈՒՆ

Դասընթացի երկու բաժիններն առանձին կերպով հայտավորված են ՀՀ ԱՆ Մասնագիտական գործունեության հավաստագրման ազգային կենտրոնի կողմից կրեդիտավորման համար, դասընթացի 1-ին մասի բոլոր պարապմունքներին մասնակցած մասնագետներին կշնորհվի շարունակական մասնագիտական զարգացման 18 տեսական կրեդիտ:

Գլխավոր էջ